இந்திய FTA ஒப்பந்தத்தை விரிவுபடுத்த இலங்கை ஆராயவுள்ளது; 2027 வரவுசெலவில் சலுகைக் கடன்கள்

தற்போதுள்ள இந்திய FTA ஒப்பந்தத்தை விரிவுபடுத்துவது குறித்து இலங்கை ஆராயவுள்ளது. இதற்காக அதிகாரிகளைக் கொண்ட குழுவொன்றை அமைச்சரவை நியமித்துள்ளது. 2027 வரவுசெலவுத் திட்டத்தை நாடாளுமன்றத்தில் சமர்ப்பிக்கையில் ஜனாதிபதி அநுர குமார திஸாநாயக்க இதனைத் தெரிவித்தார்.

வங்கிகளுக்கான வட்டி மானியங்கள் மற்றும் மறுநிதியளிப்புக்காக 67,687 மில்லியன் ரூபா ஒதுக்கப்பட்டுள்ளது. அரச மற்றும் தனியார் வங்கிகள் ஊடாக தொழில்முனைவோருக்கு 174 பில்லியன் ரூபா சலுகைக் கடன்கள் வழங்க இது உதவும் என எதிர்பார்க்கப்படுகிறது. வெளிநாட்டுத் தொழிலாளர்களின் வீட்டுத் தேவைகளுக்காக 5 மில்லியன் ரூபா வரையிலான சலுகை வீட்டுக் கடன் திட்டம் அமுல்படுத்தப்படும்.

மீன்பிடித் துறைக் கடன்களுக்கான வட்டி மானியமாக 1,000 மில்லியன் ரூபா ஒதுக்கவும், நெல் ஆலை உரிமையாளர்களுக்கு வட்டியில்லா அடகுக் கடன் திட்டத்தை நடைமுறைப்படுத்தவும் யோசனை முன்வைக்கப்பட்டுள்ளது.