கொழும்பில் GLEC டிஜிட்டல் தளம் அறிமுகம்; இலங்கை தொழில்முனைவோரை இணைக்க நோக்கம்

உலகெங்கும் வாழும் இலங்கை தொழில்முனைவோர் மற்றும் தொழில்வல்லுநர்களை ஒரே இணையத் தளத்தில் ஒன்றிணைக்கும் நோக்கில் GLEC எனப்படும் டிஜிட்டல் தளம் இன்று கொழும்பில் அறிமுகப்படுத்தப்பட்டது. குளோபல் லங்கன் என்டர்ப்ரனர் கிளப் என்ற இந்தத் தளத்தின் நிறுவனரும் சர்வஜன பலய கட்சியின் தலைவரும் நாடாளுமன்ற உறுப்பினருமான திலித் ஜயவீரவின் ஆதரவின் கீழ் இந்நிகழ்வு நடைபெற்றது. நிகழ்வில் தொழில்முனைவோரும் தொழில்வல்லுநர்களும் பெருமளவில் கலந்துகொண்டனர்.

நிகழ்வில் உரையாற்றிய உறுப்பினர் ஜயவீர, மக்களின் சிந்தனையில் தொழில்முனைவுச் சிந்தனையைப் புகுத்துவதன் மூலம் நாட்டுக்குச் செல்வத்தை உருவாக்குவதே தனது நோக்கம் என்று கூறினார். இத்தளத்தில் இணையும் அனைவருக்கும் சமமான வாய்ப்புகளை வழங்குவதும், உலகளாவிய தொழில்முனைவு தொடர்பான அறிவையும் நடைமுறை அனுபவங்களையும் பகிர்ந்துகொள்ள வாய்ப்பளிப்பதும் இலக்கு என்றார். உலகின் முன்னணித் தொழில்முனைவோர் சிலர் இப்போது இத்தளத்தில் இணைந்துள்ளதாகவும் அவர் தெரிவித்தார்.