வங்காள விரிகுடாவில் உருவான தாழமுக்கம் கடுமையான சூறாவளிப் புயலாக வலுவடையக்கூடும்

இலங்கைக்கு கிழக்கே வங்காள விரிகுடாவில் நிலவிய தாழ் அழுத்தப் பகுதி தாழமுக்கமாக வலுப்பெற்றுள்ளதாக வானிலை ஆய்வுத் திணைக்களம் அறிவித்துள்ளது. இன்று காலை 5.30 மணி நிலவரப்படி, இந்த அமைப்பு திருகோணமலைக்கு வடகிழக்கே சுமார் 600 கி.மீ. தொலைவில் அமைந்திருந்ததாகவும், அது வடமேற்கு திசையில் நகர்ந்து இலங்கையின் கிழக்குக் கரையிலிருந்து வெகுதூரம் விலகி இருக்கும் எனவும் எதிர்பார்க்கப்படுகிறது.

நாளை காலைக்குள் இது ஆழ்ந்த தாழமுக்கமாக மாறும் என்றும், நாளை இரவு தெற்கு மற்றும் அருகிலுள்ள மேற்கு-மத்திய வங்காள விரிகுடாவில் சூறாவளியாக உருவெடுக்கக்கூடும் என்றும் திணைக்களம் முன்னறிவித்துள்ளது. நவம்பர் 17ஆம் திகதிக்குள் இது கடுமையான சூறாவளிப் புயலாக தீவிரமடையக்கூடும் எனவும் கூறப்பட்டுள்ளது.

இதனால், கடற்படையினரும் மீனவ சமூகத்தினரும் ஆழ்கடல் பகுதிகளுக்கும், திருகோணமலை மற்றும் பொத்துவில் வழியாக கங்கேசன்துறையிலிருந்து அம்பாந்தோட்டை வரையிலான கரையோர கடற்பகுதிகளுக்கும் அறிவிப்பு வரும் வரை செல்ல வேண்டாம் என எச்சரிக்கப்பட்டுள்ளனர். பாதுகாப்பான இடங்களுக்கு நகருமாறும், திணைக்களத்தின் அடுத்தடுத்த அறிவிப்புகளைக் கவனிக்குமாறும் அறிவுறுத்தப்பட்டுள்ளது.