பண்டாரநாயக்க சர்வதேச விமான நிலையத்தில் ரூ. 4.2 மில்லியனுக்கு மேல் மதிப்புள்ள சட்டவிரோத சிகரெட்டுகளுடன் சீனர் கைது

பண்டாரநாயக்க சர்வதேச விமான நிலையத்தில் சுங்கத் திணைக்கள அதிகாரிகள் 42 வயது சீன வர்த்தகர் ஒருவரை கைது செய்துள்ளனர். பச்சை வழியூடாக நாட்டிற்குள் வெளிநாட்டில் தயாரிக்கப்பட்ட சிகரெட்டுகளைக் கடத்த முயன்றதாக அவர் மீது குற்றம் சாட்டப்பட்டுள்ளது.

குவாலாலம்பூரிலிருந்து மலேசியா ஏர்லைன்ஸ் விமானத்தில் நவம்பர் 15, 2026 அன்று காலை வந்திறங்கிய இவரின் இரண்டு பயணப் பொதிகளில் மறைத்து வைக்கப்பட்டிருந்த 140 அட்டைப்பெட்டிகளில் அடங்கிய 28,000 சிகரெட்டுகளை அதிகாரிகள் கண்டுபிடித்தனர். இவை சீனாவில் தயாரிக்கப்பட்டவை என கூறப்படுகிறது.

பறிமுதல் செய்யப்பட்ட பொருட்களின் மதிப்பு ரூ. 4.2 மில்லியனுக்கு மேல் என விமான நிலைய சுங்கத் திணைக்களம் மதிப்பிட்டுள்ளது. சந்தேக நபர் சுங்கக் காவலில் உள்ள நிலையில் மேலதික விசாரணைகள் நடைபெற்று வருகின்றன.