உலக நீரிழிவு தினத்தை முன்னிட்டு கொழும்பு தாமரைக் கோபுரம் நீல நிற ஒளியில் ஒளிர்ந்தது

கொழும்பு தாமரைக் கோபுரம் சனிக்கிழமை (நவம்பர் 14) உலக நீரிழிவு தினத்தை முன்னிட்டு நீல நிறத்தில் ஒளியூட்டப்பட்டது. சர்வதேச நீரிழிவு கூட்டமைப்பு (IDF) ஒருங்கிணைத்த உலகளாவிய விழிப்புணர்வு இயக்கத்தில் 163 நாடுகளின் அடையாளச் சின்னங்களுடன் இலங்கையும் இணைந்தது. நீரிழிவு சங்கம் (DASL) மற்றும் Union Assurance நிறுவனமும் இணைந்து இந்நிகழ்வை ஏற்பாடு செய்தன. சுகாதார பிரதி அமைச்சர் வைத்தியர் முதித ஹன்சக விஜேமுனி இதற்கு அனுசரணை வழங்கினார்.

நிகழ்வில் உரையாற்றிய பிரதி அமைச்சர், ஆரம்ப நிலைகளில் அறிகுறிகள் தெரியாமல் நீரிழிவு வளரக்கூடும் என எச்சரித்தார். கட்டுப்படுத்தப்படாத நீரிழிவு இதய நோய், பக்கவாதம், சிறுநீரக செயலிழப்பு, பார்வைக் கோளாறுகள் மற்றும் நரம்பு சேதத்துக்கு வழிவகுக்கக்கூடும் என அவர் குறிப்பிட்டார். ஆரம்பத்திலேயே கண்டறிதல், வழக்கமான மருத்துவ பரிசோதனைகள் மற்றும் பரிந்துரைக்கப்பட்ட சிகிச்சையைப் பின்பற்றுதல் அவசியம் என அவர் வலியுறுத்தினார்.